العوده للحياه بعد الموت في Zombie Loan

سلاااام وتحيه حلوه معطره لاعضائنا الحلوين

سمعت عن دا الانيمي من زمان وماتابعتو الا الان بس مره عجبني في غايه الروعه وحماس صراحه

شدتني القصه انو تموت وترجع للحياه بس يكون عليك دين لازم تدفعو وانت زومبي

(استغفرالله طبعا كل الانيميات مهما كانت حلوه لازم يكون فيها شي بس هذي خرافات ومعتقدات باطله وببساطه نتابعها احنا لانو نبا نستمتع فقط لاغير واحنا فاهمين وواعين ولله الحمد)

بس انو مره جناااااااااااااااان

اتفرجت منو اول 3 حلقات وعجبني وقلت احطو لكم
القصه باختصار انو بنت لديها القدره على مشاهده الاطواق السوداء حول رقبه اي احد (بس لما تقلع النظاره ) والطوق الاسود معناتو هدا الانسان ميت او حيموت في اي لحظه الان او انو ...... زومبي

وكل انسان عندو وكل ماقرب وقت موتو يتحول مثلا من رمادي لاسود

هنا اتعرفت البنت بالصدفه على ولدين يقال انهم نجو من حادث سير وتتفاجألما شافت الاطواق عليهم بالصدفه وعرفت انهم زومبيز وانهم يشتغلو لشركه او منظمه ترجع الاموات لكن تخليهم يدفعو دين الي عليهم وشغلانتهم يقتلو الزومبيز العاديين وكدا

طبعا البنت حتسير منهم وحتموت وترجع وكدا ومابا اخرب الباقي

ان شالله اتحمستو؟ << ماتحمسو من روايتك للقصه اتوقع

لانو كل المقالات بالانجليزي وحابه احطو عربي رحت ترجمتو وما احب اتكلم فصحه طبعا فحطيتو باسلوبي

انا عجبني واتفرجتو كلو عباره عن 11 حلقه بس وححاول اوفر الحلقات مترجمه عربي << لانو اختصاصي اجيب الانيميات انجليزي بس ححاول طبعا

تلاقو الحلقات كامله وبحجم عالي 170 ميجا وفي هادي الحدود في هدا الموقعhttp://www.anime-eden.com/page/anime/zombie/series.html

وتلاقوه في دا الموقع بحجم 70 ميجا وعن نفسي احب احمل من دا الموقع مره يريح

http://realitylapse.com/videos/zombie-loan.php

اتمنى يعجبكم الموضوع والانيمي

سلاااااااااااام